ජාතික සංවර්ධන මණ්ඩලයේ කාර්‍යභාරය

බෞද්ධයන් කෘෂිකාර්මික, කාර්මික හා වාණිජ කටයුතුවල යොදවා ඔවුන්ට ඒ පිළිබඳ පුහුණුවක් ලබාදීම ද, ඔවුන්ගේ ආර්ථීක තත්ත්වය නගා සිටුවීම ද, රටේ සංවර්ධන කටයුතු කෙරෙහි  ඔවුන් දිරි ගැන්වීම ද, නිවාස අනුබද්ධ ඉඩම් හැර සම්මේලනය සතු ඉඩම් වගා කොට එම ඉඩම් වලින් වැඩි ප්‍රයෝජන ලබා ගැනීම ද, පුහුණු කිරීමේ මධ්‍යස්ථාන ආදිය පිහිටුවා පවත්වාගෙන යෑම ද මෙවැනි කටයුතු වලට අවශ්‍ය මුදල් ලබා ගැනීම ද, විධායක මණ්ඩලය විසින් අවශ්‍යයැයි සලකනු ලබන වෙනත් සංවර්ධන කටයුතු සපුරාලීම හා ඒ සඳහා කටයුතු කිරීමද ජාතික සංවර්ධන මණ්ඩලයේ කාර්යයන් වෙති.

ගරු සභාපති

වෛද්‍ය රාණි ප්‍රනාන්දු මහත්මිය

ගරු උපසභාපති

ගරු ලේකම්

ගරු භාණ්ඩාගාරික

සමස්ත ලංකා බෞද්ධ මහා සම්මේලනයට දානපතියන් විසින් පරිත්‍යාග කරන ලද ඉඩම් 04 න් දෙකක් මීට දශක දෙකක පමණ සිට සම්පූර්ණයෙන් වල් වැදී අත්හැර දමා තිබිණි. ඒ අතරින් බිංගිරියේ ජෝසප් වත්ත වල් අලි පවා ගැවසෙන ප්‍රදේශයක් විය. මෙම ඉඩම ග්‍රීන්සොයිල්ස් සමාගමට වසර 03 ක කාලයක් සඳහා බදු දෙන ලදී. එය එළිකර වසරකට පොල් පැල 300 බැගින් සිටවා සංවර්ධනය කොට භාර දීමටත් ඉතිරි කොටසේ අක්කර 05 ක් පමණ එලි කොට එහි අපනයනය කිරිම පිණිස කොහුබත් ආශ්‍රිත ගඩොල් නිපදවීමට භාර දෙන ලදී. එමගින් එම ප්‍රදේශයේ තරුණයන් හට රැකියා අවස්ථාද සැලසේ. 

 

පලාතොට අක්කර 05 රබර් ඉඩම

මෙම ඉඩම කැලෑ වැදී ඉතා වයස් ගත අත්හැර දැමූ රබර් ගස් පැවතුන අතර එය එළිපෙහෙලි කොට පැරණි රබර් ගස් අලෙවි කොට ලද මුදලින් රබර් සංවර්ධන දෙපාර්තමේන්තුවෙන් දෙනු ලබන සහනාධාරයන් ලබා වැඩි අස්වැන්නක් දෙන අනගි වර්ගයේ රබර් පැල වගාකර ඇත. අවුරුදු 04 පමණ වයසැති මෙම පැල හොඳ තත්වයේ පවතින අතර 2018 වසර මැද භාගයේ කිරි කපා අලෙවි කිරීමට හැකි වේයැයි බලාපොරොත්තු වේ.

 

මාදම්පේ ලූණු ඔය වත්ත

මෙම ඉඩම ද කැළෑ වැදී එහි තිබූ ගොඩනැගිල්ල ද ගරා වැටී තිබිණි. දැන් එය කැලය කපා පලාත් සභාවේ ලියාපදිංචි කිරි ගොවිලියකට වසර 03 කට බදු දී ඇත. දැනට ද වාර්ෂිකව බදු ආදායමක් ලැඛෙන අතර එම ඉඩම වටා කම්බි ගසා එලි පෙහෙලි කොට කිරි හරක් ව්‍යාපාරයක් සතුටුදායක ලෙස පවත්වාගෙන යති.

 

චිත්‍රාවත්ත බිංගිරිය

මෙම ඉඩම සතුව පැවති කුඹුරු කට්ටි 06 ක් මීට පෙර අඳ ගොවියනට වගාකිරීමට දී ඉන් කිසිදු ආදායමක් සම්මේලනයට ලබා දී නැත. එහෙත් දැන් එම අඳ ගොවියන් ගොවිජන සේවා දෙපාර්තමේන්තුවේ ලියාපදිංචි කොට සම්මේලනයට ආදායමක් ලැඛෙන ලෙස නැවත ලබා දී ඇත.

තවද ඉතිරි ඉඩම විශ්‍රාමික හමුදා නිලධාරියෙකු වෙත වසර 03 කට පොල් පැල හිටවා සංවර්ධනය කර නැවත භාර දීමට නීතිමය ගිවිසුමකින් භාර දී ඇත. එහෙත් පැවති දීර්ග නියඟය හේතු කොට ගෙන එහි කිසිදු වගා කටයුත්තක් කිරීමට නොහැකි වීම හේතුවෙන් වර්ථමානය වන විට වෙනත් ව්‍යාපෘතියක් සඳහා යෙදවිමට කටයුතු කරමින් සිටී. 

පෙර

දැන්

Comments are closed.

සමස්ත ලංකා බෞද්ධ මහා සම්මේලනය ©2018. සියළුම හිමිකම් ඇවිරිණි

සුමති ග්ලෝබල් කොන්සොලිඩේටඩ් (පුද්) සමාගම මගින් නිර්මාණය කරන ලදි